يا بهيه توبك بقى شفتشي
شافك عدوك ما سمى
ولا قال مره أخْتشي

 رمى سنارته 
في عين صبيه
بتستحي
ومد ايده
في جراب سيده
…يرتشي

ظلموا الصبيه
باعوا القضيه
ضاعت بهيه
كتبوا نهاية القصه ديه

يا ساكن العالي
أنزل هنا قبالي
بهيه لسه على بالي
حوريه لها الغالي
أرض وعفيه
صبره وغنيه
راحت ضحيه

لآشي أمريكاني
وآشي ملعوباني
باعوا واشتروا
غيروا توب الصبيه

وكتبوا

أسم الضحيه
بهيه
رمز الطهاره
وصدق النيه